بـ5 جنيه بس.. أسهل وأرخص طريقة لاستقبال التردد الأرضي لقناة ’’تايم سبورت‘‘

كتب: ضياء السقا

أطلقت الهيئة الوطنية للإعلام، بالتعاون مع مجموعة "إعلام المصريين"، قناة تايم سبورت المجانية، الناقلة لمباريات بطولة الأمم الإفريقية 2019، على الترددات الأرضية.

وتضم القناة الجديدة عدد من المحللين والمعلقين، وأبرزهم أحمد شوبير وسيف زاهر وحسن المستكاوي وأيمن يونس وطه إسماعيل وعماد متعب وحازم إمام، وحاتم بطيشة وأيمن الكاشف وعصام عبده ومحمد رمضان وطارق الأدور.

وتستضيف مصر بطولة أمم إفريقيا، في الفترة من 21 يونيو وحتى 19 يوليو، بمشاركة 24 منتخبا لأول مرة.

وأسفرت القرعة عن وقوع الفراعنة على رأس المجموعة الأولى بجانب كل من: الكونغو ، أوغندا ، زيمبابوي.

ويمكن استقبال قناة تايم سبورت على التلفزيونات من خلال الترددات الأرضية، عبر الحيز UHF 32.

وفي سياق متصل، نشرت صفحة "Capitano" الرياضية، على الفيس بوك، أسهل وأرخص طريقة لاستقبال التردد الأرضي لتايم سبورت، بشرط أن تكون الشاشة لديك تدعم خاصية البث الرقمي.

1 - هتجيب بنه زي اللي في الصورة الأولي دي من عند أي حد بيبيع حاجات خاصه بالدش والكلام ده ومش هتكلفك أكتر من 5 جنيهات.

2 - هتجيب سلك بتاع الدش العادي خالص، هتوصل طرف منه بالبنة اللي في الصورة الأولي وتوصلها في بنة الإيريال اللي موجودة في الشاشة من ورا.

3 - الطرف التاني من السلك هتطلع بيه فوق عند الطبق وتقشره يعني السلك النحاس اللي يكون باين وتبعد الشعر الأبيض خاالص هتربط السلك النحاس في أي مكان من القاعده بتاع الطبق زي مانا معلملك عليها في الصورة رقم 2.

4- كده خلصت 50٪ بس اللي جاي سهل متقلقش.. هتيجي بقي تمسك ريموت الشاشة وتشيل الفيشة بتاع الرسيفر خالص من الكهرباء.. فيه في ريموت الشاشة عندك زرار مكتوب عليه كلمه SOURCE اضغط عليه .. هيجيبلك شويه خيارات لو من ضمن الخيارات دي حاجه اسمها DTV اضغط عليها لو ملاقيتش اضغط علي ال TV بعدها هتجيب من ريموت الشاشه الاعدادات ومنها تجيب إعدادات القناه ومنها تجيب بحث تلقائي هيبدأ يبحث معاك وإن شاء الله هينزلك حوالي 6 قنوات منها قناه time sport hd ودي المطلوبة وهتكون بنفس جودة القناة الموجود على الريسيفر.

ملحوظة: لو الشاشة بتاعتك مش بتدعم البث الرقمي هتجيب الإريال العادي خالص وتبحث هتنزل معاك القناة مكان التانية الأرضية وبجودة كويسه بس مش نفس جودة البث الرقمي، أو يمكنك شراء جهاز البث الرقمي الجديد، الذي تم طرحه مؤخرا في الأسواق.

اقرأ أيضا: تعرف على سعر جهاز CNE الخاص باستقبال البث الأرضي لقناة تايم سبورت 

تعليقات القراء